Vi har ledig stilling inntill 100% som kyrkjemusikar/kantor i Hjelmeland.
Kantoren vår skal gå av med pensjon så vi er på leit etter ein person som kan overta etter henne og leie songen og kyrkjemusikken vidare.
Hjelmeland kyrkjelege fellesråd har kontorstad på Hjelmland. Kyrkjemusikar/kantor er del av ein liten stab på 8 tilsette, inklusiv prost og prest.
Administrasjonsmålet er nynorsk.
Om stillinga:
Hjelmeland har tre sokn med til saman 4 kyrkjer og eit bedehuskapell. Kyrkjemusikar samarbeider med stab om planlegging og gjennomføring av gudstenester, gravferder og vigslar. Vi har ca. 70 forordna gudstenester i året, og i gjennomsnitt 30 gravferder og 5-10 vigslar. Kyrkjemusikar leier kyrkjekor og babysong og medverkar i andre trusopplæringstiltak, ved andaktar m.m.
Kyrkjemusikar leier kyrkjemusikalsk utval. Utvalet arrangerer konsertar, gjerne i samarbeid med resten av kulturlivet. Kyrkjemusikar deltak også i kyrkja sitt planarbeid. Arbeidsoppgåvene kan endrast ved behov.
Om Instrumenta:
Det er orgel og klaver i tre av kyrkjene, og orgel i kapellet.
Orgelet i Hjelmeland kyrkje er bygd i 1980 /Jensen & Thomsen, 15 stemmar). I 2025 fekk kyrkja også nytt Yamaha-flygel. Orgelet i Årdal kyrkje er frå 1986 (Bruno Christensen, 13 stemmer), medan Fister kyrkje fekk nytt orgel i 2015 (Åhlem, 9 stemmer). Årdal gamle kyrkje er ei autentisk og unik renessansekyrkje frå 1619, som kun er i bruk om sommaren. Her er det ikkje instrument. Vi har og eit lite kapell i Jøsenfjorden med nokre få tenester i løpet av året. Her vart det sett inn kyrkjeorgel i 1987 (Jensen & Thomsen, 4 stemmer).
Stillinga inneber å sjå til at instrumenta vert stemte og vedlikehaldne.
Kvalifikasjonar:
- Kyrkjemusikalsk utdanning er ønskjeleg
- Søkjarar med relevant erfaring og dokumentert kompetanse vil og bli vurderte
- Gode ferdigheiter på orgel og piano
- Erfaring med korarbeid
- God kjennskap til gudstenestelivet
- Gode digitale ferdigheiter
- Norsk, både munnleg og skriftleg
Må har førarkort og bil
Må legge fram tilfredsstillande politiattest
Medlemskap i Den norske Kyrkje
Kva ser vi etter:
- Ein som er engasjert, strukturert og kreativ
- Har gode samarbeidsevner
- Har evne til å inkludere og inspirere frivillige, barn, unge og vaksne
- Personleg eigna til stillinga vil bli vektlagt
Vi tilbyr:
- Ei spennande stilling
- Stor fridom til å forme og utvikle musikklivet i kyrkjelydane
- Engasjerte kollegaer og frivillige
- Gode pensjons- og forsikringsordningar gjennom KLP
- Løn etter gjeldande tariffavtale
Oppstart i stillinga seinast 01.02.2027, men helst før.
Søknadsfrist: snarast og innan 25.11.2026
For spørsmål om stillinga, ta kontakt med kantor Anne Berit Rinde Bjelland, tlf. 992 48 683, e-post: ab295@kyrkja.no eller kyrkjeverje Mette Ingvaldstad tlf. 907 35 564, e-post: mi254@kyrkja.no
Send søknad med cv, vitnemål og attestar til: post.hjelmeland@kyrkja.no